Gitarget siyag kutsilyo
Sa gatuyok nga roleta.
Sa kahon gipriso;
Gigabas kaduha.
Gipalatay sa alambri –
Panyo gitaptap sa mata.
Gipahadla sa tigre,
Gipalabang og baga.
Ug limod sa kasayuran
Sa nanan-aw nga publiko
Nga siya usa ka inahan
Labihan ka ngilngig moluto.
Maayo nga motangtang
Og mantsa sa nilabhan.
Ug dali rang malisang
Kung ang anak hilantan.
No comments:
Post a Comment