Ang babayng way bilbil

Ang babayng way bilbil kay morag baybay nga way kimba.
Morag sigay nga way bukobuko, tabugok nga way ata.
Sa bilbil mahibaw-an nganong bawron ang kadagatan,
Nganong gansang-gansangon ang mga batu sa hunasan.

Ang babayng way bilbil kay morag kawayang way buku.
Morag dapaw nga way katul, langub nga way tangu.
May misteryo ang bilbil nga susama sa misteryo sa lasang:
Engkanto sa pusod sa busay, minu sa pus-on sa pangpang.

Ang babayng way bilbil kay morag dan nga way kurbada,
Morag bungtod nga way subida, simbahan nga way kampana.
Ang babayng bilbilon morag sugilanong puno sa pasumbingay:
Sa gaawas-awas nga bilbil, magbunok ang akong pauraray.



.

5 comments:

Anonymous said...

hello adonis, do you know yakiyeye?
anyway, i heard this poem in 2008viva10 in cebu mountain view park. i really loved it and wanted to read the poem myself. ako ra gi google, maygani na kit-an ra nako. you have a lot of great poems, mga 99%, uban dili ko kasabot kay lalum kaayo! i'm also an aspiring painter so, i may do a tribute art of your poems.

Anonymous said...

it's nice to know you're alive

momo said...

makatambok sa kasingkasing nga mahibawan nga dunay usa ka adonis durado

Anonymous said...

Bati sad jud diay ning wala ta'y bilbil. :)

Anonymous said...

Naay english translation ani?